Teuta bën detyrën në shtëpi dhe merr tre pikët përballë një rivali direkt si Kukësi. Në Niko Dovana, të besuarit e trajnerit Edi Martini fituan me rezultatin 1-0 teksa heroi i sfidës ishte sulmuesi Ildi Gruda. Në fakt, takimi nisi mirë për verilindorët të cilët treguan dhëmbët me anë të Edison Ndrecës i cili lëshoi një predhë nga distanca dhe që për fatin e mirë të durrsakëve u ndal nga shtylla. Gjithsesi, pak çaste më vonë, në të 26-tën Gruda realizoi një gol mjaft të bukur teksa kaloi me parabël portierin Tafas.
Lexo edhe
- VIDEO/ Ngec City, Nottingham “asist” Arsenalit. Chelsea në krizë
- VIDEO/ Goditje dënimi perfekte, Ward-Prowse në ndjekje të Beckham
- Mbaron aventura e Marcelos në Greqi, braziliani ndërpret kontratën me Olympiacos
- Gaboi në Arsenal-Brentford, 51-vjeçari tërhiqet nga arbitrimi
Megjithatë, Kukësi e pati shansin e barazimit duke qenë se në minutën e 43-të sulmuesi Barbosa u paraqit nga pika e bardhë e penalltisë pasi Daci gaboi me një takë të ngritur në zonë ndaj Mbark. Por, portieri Pano Qirko kuptoi krahun dhe ndali goditjen duke ruajtur avantazhin e “Djemve të Detit”. Kaq për pjesën e parë teksa në fraksionin e dytë, ishin sërish durrsakët që patën një mundësi të artë për të dyfishuar me anë të Grudës.
Këtë herë sulmuesi e kaloi sërish portierin Tafas, por në fund u shfaq Bytyçi që e largoi sferën në vijën fatale. Në minutat e mbetura, vendasit e menaxhuan më së miri avantazhin dhe dolën me tre pikë shumë të rëndësishme për vijimësinë e sezonit teksa ngjiten në kuotën e 28 pikëve në vendin e shtatë të renditjes. Nga ana tjetër, Kukësi mbetet në zonën e ftohtë të klasifikimit me 25 pikë në vendin e nëntë.
