Abissnet Superiore

Teuta tenton fitoren e tretë radhazi, objektivi Europë kalon nga Laçi

Europa për Teutën kalon nga Laçi. Kampionët e sezonit të kaluar janë matematikisht në lojë për zonën europiane dhe në javën e 35-të do të masin forcat përballë kurbinasve, me këta të fundit që kanë mbyllur llogaritë me kampionatin.

Në “Niko Dovana”, Teuta sheh përpara një finale të rëndësishme për fatet e këtij sezoni, ndaj një kundërshtari të cilin në pesë ndeshje të këtij sezoni nuk e ka mundur dot. Skuadra e Arapit vjen në këtë sfidë maksimalisht “e karikuar”, jo vetëm se është në lojë për Europën, por edhe për vetë ecurinë e krijuar.

Rank Teams Played Points
1 Tirana 36 73
2 Laçi 36 63
3 Partizani 36 58
4 Vllaznia 36 55
5 Kukësi 36 55
6 Teuta 36 50
7 Kastrioti 36 43
8 Egnatia 36 35
9 Dinamo 36 29
10 Skënderbeu 36 26

“Bregdetarët” kaluan me sukses vështirësi e mbijetesës, pasi në gjashtë javë kanë shijuar katër fitore dhe dy barazime, ndërsa nuk e njohin humbjen nga 9 prilli ndaj Partizanit.

Me mendjen te Kupa, me statusin e skuadrës nënkampione, Laçi rikthehet në Durrës pas afro dy muajsh, nga sfida e fundit për llogari të kupës. Në Korçë, ndaj Skënderbeut, kurbinasit u prezantuan me ndryshime në formacion, me teknikun Shpëtim Duro, i cili eksperimentoi jo vetëm në emra, por edhe në modulin e lojës, si një sinjal të vërtet për të testuar skuadrën në prag të sfidës ndaj Vllaznisë në finalen e Kupës.

Në pesë sfidat e këtij sezoni, Teuta nuk ka arritur të shijoj asnjë sukses, ndërsa Laçi ka fituar tre herë, dy prej tyre në kampionat, ndërsa dy takime janë mbyllur në barazim.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency