Thomas Tuchel pëson humbjen e parë në pankinën e Chelsea-t dhe e bën këtë në “Stamford Bridge” ku londinezët u mposhtën me rezultatin e thellë 2-5 përballë West Bromwich Albion.
“Blutë e Londrës” e nisën mirë sfidën dhe gjetën golin e avantazhit në minutën e 27’ me anë të amerikanit Pulisic, por gjithçka u komplikua një minutë më vonë, kur Thiago Silva u ndëshkua me kartonin e dytë të verdhë dhe la të tijtë me një lojtar më pak.
West Brom kompletoi përmbysjen e rezultatit në fundin e pjesës së parë, duke shënuar dy herë me anë të Pereirës, ndërsa në pjesën e dytë shënuan dy herë Robinson dhe Diagne, duke kompletuar suksesin.
Kjo humbje komplikon pozitat e Chelsea-t në zonën Champions, pasi tani rrezikon të parakalohet nga West Ham dhe Tottenham, që luajnë nesër ndeshjet e tyre për javën e 30.