Sfida eliminatore e Euro 2020-ës mes Bullgarisë dhe Anglisë në Sofje, u ndërpre për disa minuta në pjesën e parë, për shkak të thirrjeve raciste ndaj futbollistëve me ngjyrë të “tre luanëve”, ndërsa sot erdhën edhe efektet e para të ngjarjes së shëmtuar.
Kështu presidenti i Federatës Bullgare të Futbollit Borislav Mihaylov dha dorëheqjen nga posti, pas presionit të ushtruar edhe nga kryeministri i vendit Boyko Borissov, i cili kërkoi gjatë ditës së sotme largimin e tij.
Në një deklaratë zyrtare thuhej se Muhaylov ka paraqitur dorëheqjen e tij në Komitetin Ekzekutiv të Federatës, që pritet të mblidhte ditën e premte, për ta pranuar dhe për të nisur nga puna për gjetjen e një tjetër drejtuesi.