Arsenali nuk po kalon një moment të mirë në Premier League, ndërkohë që surpriza më e madhe ishte eleminimi nga Europa League nga grekët e Olympiacos. Drejtuesit e “topçinjëve” duket se tashmë kanë nisur nga puna për sezonin e ardhshëm, në mënyrë që të krijojnë një skuadër sa më të fortë. Sytë janë hedhur pikërisht nga merkato dhe La Liga, aty ku ndiqet me shumë interes mesfushori i Atletico Madrid, Thomas Partey. Ganezi ka qenë një titullar i padiskutueshëm në formacionin e Simeones këtë sezon, edhe pse verën që shkoi u fol shumë për një largim të tij. Partey ka një klauzolë prej 50 milionë eurosh në kontratë dhe sipas mediave angleze, Arsenal është gati që ta paguajë një shifër të tillë.
