Laurent Blanc, i cili veshi fanellën e Interit për dy sezone (1999-2001), është ndalur te Marcus Thuram, përforcimi i nënkampionëve të Europës në sulm.
Zikaltrit fituan derbin me Milanin në merkato. Dhe firmosën kontratë 5-vjeçare me 25-vjeçarin e kombëtares franceze. I cili erdhi me parametra zero nga Bundesliga (M’Gladbach).
Trajneri i Lyonit vlerëson afrimin e Interit, duke theksuar se Thuram do të gëzojë tifozët zikaltër me performancat dhe golat e tij.
“Tani, po. Thuram është gati për aventurën tek Interi. Nëse do të më pyesnit dy vite më parë, do të përgjigjesha ndryshe. Ai ende kishte nevojë për përvojë.
Lexo edhe:
- “Lajmëroni shokët”/ Pas Dokës, Tirana prezanton rikthimin e shumëpritur në kryeqytet
- I aftë me këmbë, reflekse dhe “mjeshtër” për penalltitë, Milan i vendos çmimin Maignan
- Conference League, dy skuadra dardane në ekranin e SuperSport
- Realizoi 9 gola sezonin e fundit, Augsburg blen Mërgim Berishën nga Fenerbahce
Bëri mirë që shkoi në Gjermani, atje u disiplinua dhe shënoi shumë gola. Marcus mund t’i bëjë të lumtur tifozët e Interit dhe një top klub që mund të luajë shkëlqyeshëm në një finale të Champions League.
Forca fizike e ka shoqëruar gjithmonë, më pas është rritur në teknikë dhe në rolin e sulmuesit. Marcus është përmirësuar dhe në pozicionimin brenda zonës kundërshtare.
Në fillim nisej nga krahët, sidomos nga i majti. Me kalimin e kohës është shndërruar në një qendërsulmues”, përfundoi Blanc.
