Evertoni i Carlo Ancelottit merr goditjen e parë në Premier League, ku gjithsesi vazhdon të qëndrojë në krye të renditjes, me pikë të barabarta me Liverpoolin (13), por me golaverazh më të mirë. Ekipi nga Liverpooli u mposht 2-0 nga Southamptoni madje e mbylli takimin në inferioritet numerik, me Lucas Digne që u ndëshkua me karton të kuq në minutën e 72-të, ku fati i ndeshjes tashmë ishte vendosur.
Në “St. Mary’s Stadium” të Southamptonit vendasit shënuan dy gola në harkun e tetë minutave në pjesën e parë, me Ward-Prowse (27’) dhe Adams (35’). Reagimi i futbollistëve të Evertonit nuk ishte i mjaftueshëm për të kthyer rrjedhën e ndeshjes, madje gjithçka përfundoi kur skuadra e Ancelottit mbeti me një lojtar më pak për më shumë se 20 minuta lojë.