Connect with us

Hi, what are you looking for?

Featured

“Tifozët e duan Brojën”, Potter: I duruar dhe punëtor, po na ndihmon shumë

Armando Broja shënoi golin e parë në Premier League me fanellën e Chelsea. Sulmuesi i talentuar shqiptar e nisi nga stolin duelin shtëpiak ndaj Wolves (3-0), u fut në fushë në minutën e 72’ dhe një minutë përpara fundit tregoi aftësitë e tij si sulmues duke vulosur suksesin me “tris” të ekipit të Graham Potter.

Trajneri i Chelsea u ndal edhe te 21-vjeçari i kombëtares shqiptare në prononcimin pas ndeshjes, duke vlerësuar Brojën për durimin e treguar për shkak të minutave të pakta që ka fituar deri tani. “Ai erdhi nga stoli dhe punoi shumë për skuadrën.

 

Brojës i është dashur të tregohet i duruar, por ai ka bërë një punë të madhe në stërvitje, ka punuar mirë dhe është kënaqësi që shënoi gol”, deklaroi trajneri i “Bluve të Londrës”.

Ndërkohë, ish-anësori ofensiv i Chelsea (1983-1988) u ndal te sulmuesi shqiptar në prononcimin për BBC Radio 5. “Tifozët e duan Brojën, sepse ai vjen nga pankina dhe përpiqet shumë në fushën e blertë.

Kjo ka shumë rëndësi. Ai është egoist, por di të luajë edhe me shpinë dhe të bëjë rolin e qendërsulmuesit. Shumë njerëz flasin për Aubameyang, por mos e anashkaloni Brojën. Jam i bindur se e pret një e ardhme e ndritur”, deklaroi ish-lojtari skocez.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...