Pas suksesit në Air Albania sezonin e kaluar me Romën që fitoi në Tiranë përballë Feyenoord trofeun e Conference League, tifozët italianë synojnë një tjetër festë europiane. Këtë herë në “Puskas Arena” të Budapestit më datë 31 maj teksa sfidojnë Sevillan në finalen e Europa League.
Tifozët romanë këtë sezon e kanë mbështetur pa kushte skuadrën e drejtuar nga Jose Mourinho me Olimpicon që ka qenë i tejmbushur në të gjitha sfidat. Mesa duket i njëjti trend do të vijojë edhe me finalen e Europa League teksa tifozeria verdhekuqe ka mbaruar 15.000 biletat e vendosura në dispozicion nga ana e UEFA-s.
Lexo edhe:
- Gjithçka arrihet falë shpirtit të garës, harmonisë dhe dedikimit/ Newcastle, realiteti i ri i futbollit anglez
- Shfaqje e banderolave homofobike, Disiplina dënon Tiranën dhe Osmanin. E pëson edhe Partizani
- “Mos e shihni në fushë, De Bruyne po kalon një moment të keq”, Henry habit me deklaratën për belgun
- E konfirmojnë në Gjermani, Xhaka firmos me Bayer Leverkusen në verë
Prej mëngjesit verdhekuqtë kanë nisur të prenotojnë “online” kodin e vendosur në dispocion nga UEFA për të rezervuar biletën teksa kërkesat arritën deri në 50.000. Por, në fakt do të jenë vetëm 15.000 fatlumët që do të kenë shansin ta ndjekin nga tribuna skuadrën e zemrës edhe pse pritet që italianët të udhëtojnë të shumtë në numër drejt Budapestit pavarësisht nëse do të sigurojnë një biletë apo jo.
