Tifozët Kuq e Zi, pasi nuk e thyen bojkotin për ndeshjet e Shqipërisë brenda, edhe pse Lorik Cana do t’i jepte lamtumirë futbollit pikërisht ndaj Italisë, nëpërmjet një postimi në faqen e tyre në Facebook i kërkuan falje kapitenit historik që nuk ishin në “Loro Borici” për të brohoritur emrin e tij.
Faleminderit Kapiten!
Të na falësh që nuk do të jemi aty të thërrasim edhe një herë emrin tënd sot siç kemi bërë për vite me rradhë në të gjitha stadiumet e Europës. Na fal, por na detyruan!
Je dhe do të mbetesh përgjithmonë Kapiteni ynë. Faleminderit për gjithçka! Shihemi së shpejti!
P.S. Tash të presim edhe në tribuna ta përkrahim