Radja Nainggolan mund të quhet më në fund një lojtar i Interit, ndërsa përfundon edhe “telenovela” që ka filluar prej vitesh. Mesfushori belg ka mbërritur në Milano, ku sonte do të qëndrojë në një hotel dhe nesër do të kryejë vizitat mjekësore me zikaltrit.
Në hotel “Melia” kishte mbërritur më herët agjenti i tij, Alessandro Beltrami, ndërsa tifozë të shumtë zikaltër u grumbulluan më herët para hotelit dhe rrethuan mesfushorin belg, gjatë momentit të mbërritjes.
“Jam shumë i lumtur”, ishin fjalët e para të Nainggolan, që sapo mbërriti, u rrethua nga tifozë e gazetarë, që prisnin prej prej orësh.
