Tiger Woods, 45 vjeç, u shtrua në spital pasi u përfshi në një aksident automobilistik në Los Angeles, në shtetin e Kalifornisë (SHBA), këtë të martë, në mëngjes. Golfisti i famshëm amerikan ishte vetëm në automjet në momentin e aksidentit, duke rënë në një argjinaturë në një zonë të vendosur midis Rolling Hills Estates dhe Rancho Palos Verdes.
Pasi mbërriti ndihma e shpejtë, Tiger u nxor me vështirësi nga automjeti, që ishte shndërruar në një masë hekuri për shak të shkatërrimit të madh.
Shkalla e dëmtimit të Woods dhe rrethanat e aksidentit, mbeten të paqarta, megjithëse manaxheri i tij, Mark Steinberg, konfirmoi për Reuters se ka pësuar “dëmtime të shumta në këmbë. Ai i është nënshtruar operacionit dhe ne i falënderojmë ata (stafin mjekësor) për privatësinë dhe mbështetjen e tyre.”
Ndërsa zëdhënësi i Departamentit të Zjarrfikësve të Qarkut të Los Anxhelosit, Henry Narvaez, shtoi se “dëmtimet ishin nga të moderuara deri në kritike”.