Tirana është zhvendosur prej disa ditësh në Pogradec, ku po kryen mini-fazën përgatitore në prag të ndeshjes së vlefshme për turin e parë eliminator të Ligës së Kampionëve, ku shorti e ka vënë përballë gjeorgjianëve të Dinamo Tbilisit.
Bardheblutë sot zhvilluan edhe një test miqësor përballë Pogradecit vendas, në një sfidë ku trajneri Emanuel Egbo pati mundësi të monitorojë ecurinë e përgatitjeve në prag të transfertës gjeorgjiane, programuar për më 19 gusht.
Tirana iu imponua liqenorëve me lojën e saj dhe arriti të fitojë me rezultatin e thellë 3-0, ndërsa golat u shënuan nga Muçi në minutat 35’ dhe 44’, dhe prurja e re e merkatos, Albion Avdijaj, në minutën e 78’.
