Tirana triumfoi 82-66 ndaj Besëlidhjes në finalen e katërt play off luajtur në “Feti Borova”, duke barazuar 2-2 serinë e takimeve.
Bardheblutë ia dolën të rikuperonin dy humbje e para, duke rikthyer ekuilibrin e plotë me titullin kampion që do të vendoset pas tri ditësh, në finalen e pestë dhe të fundit.
Kjo përballje ishte mjaft emocionuese, pasi pallati i sportit ishte i mbushur plot, Të dyja skuadrat kërkuan fitoren, por duket se presioni tek ekipi lezhjan ishte më i madh, duke mos dhënë në fushë atë që pritej. Ndërsa Tirana nuk kishte asgjë për të humbur dhe luajti më mirë, duke e merituar fitoren.
Lexo edhe:
- VIDEO/ Përgjaket derbi i Medellinit, dy tifozë humbin jetën
- Nga Cikalleshi te Muçi, Muçolli e Bitri/ Fundjavë fantastike për legjionarët
- Dëmtimi i Kumbullës, FSHF dhe Presidenti Duka i urojnë shërim të shpejtë mbrojtësit kuqezi
- 20-vjeçari në fokusin e klubeve më të mëdha europiane, ish-futbollisti: I ngjan Gerrard dhe Lampard
Në periodën e parë, Tirana pati një epërsi të lehtë 21-15, me lezhjanët qëndruan gjthnjë në ndjekje. Gjysma e parë e ndeshjes u mbyll 39-36 për bardheblutë. Kryeqytetasit qëndruan gjatë gjithë lojës në komandë, duke u shkëputur 58-51 në përfundim të periodës së tretë.
Në 10-minutëshin e fundit Tirana ishte më e saktë, mbrojti mirë dhe përfitoi nga nxitimi i basketbollistëve të Besëlidhjes.
Tirana e thelloi diferencën dhe fitoi 82-66, duke barazuar 2-2 serinë e finaleve dhe nis festën. Në radhër e Tiranës ra në sy Davis me 24 pikë, ndërsa 40 pikët e dyshes lezhjane Robinson-Bernard vlejtën vetëm për statistikë.
