U zhvilluan këtë të shtunë 9 nga 10 ndeshjet e javës së 9-të të Kategorisë së Parë, ku spikat barazimi 1-1 i Tiranës me Shënkollin në Grupin B. Gjithsesi, skuadra e Ze Marias nuk është shqetësuar shumë nga ky rezultat, sepse edhe Bylisi ndjekës nuk ka bërë më mirë, përkundrazi është mundur 3-1 nga Apolonia. Iliria e Fushë Krujës ndërkohë mposhti minimalisht Tomorin, Pogradeci kaloi 2-1 Turbinën ndërsa Naftëtari – Shkumbini përfundoi në barazim 1-1.
Në Grupin A Besëlidhja e vendit të dytë nuk shkoi më shumë se barazimi 1-1 me Dinamon, Engatia – Tërbuni përfundoi pa gola, ndërsa Vllaznia B fitoi 1-0 me Burrelin. Ndërsa ndeshja më e rëndësishme e javës për këtë grup do të zhvillohet mes Kastriotit kryesues dhe Erzenit, këtë të diel.
Grupi A
Dinamo – Bëselidhja. 1-1
Egnatia – Tërbuni 0-0
Korabi – Besa 0-0
Vllaznia B – Burreli 1-0
Kastrioti – Erzeni (E diel)
Grupi B
Apolonia – Bylis 3-1
Shënkolli-Tirana 1-1
Iliria – Tomori 1-0
Pogradeci – Turbina 2-1
Naftëtari – Shkumbini 1-1
