Tirana gati të zyrtarizojë përforcimin e radhës në këtë merkato dimërore. Klubi bardheblu ka arritur marrëveshjen me mesfushorin krutan Rimal Haxhiu, i cili gjatë pjesës së parë të sezonit aktual ishte pjesë e Kukësit. Me klubin verilindor 23-vjeçari është aktivizuar në 17 ndeshje në Kategorinë Superiore.
Haxhiu është një futbollist që mund të japë kontribut në pozicione të ndryshme në fushë dhe Tirana ka nevojë për një lojtar të tillë, sidomos pas dëmtimit të rëndë të Kristal Abazaj që në ndeshjen e dytë me bardheblutë.
