Nëse gjërat nuk ishin keq mjaftueshëm për Arsenalin pas humbjes 3-0 në shtëpi përballë Brighton, që i mundësoi Manchester City të vendosë praktikisht një dorë mbi titullin, së fundmi ka dalë një statistikë e re që nuk i ofron shumë ngushëllim skuadrës së Mikel Artetës.
Topçinjtë e Londrës shpresuan përgjatë gjithë edicionit t’i jepnin fund pritjes së tyre 20-vjeçare për titullin kampion, por dështuan në fazën më deçizive të sezonit. Tanimë, Arsenali e gjen veten 4 pikë poshtë City, që ka dhe një ndeshje më pak dhe që po nuk shfaq shenja dorëzimi në fazën finale, ku po kërkon me ngulm dhe titullin e tretë radhazi në Angli.
Arsenali i theu të gjitha parashikimet këtë sezon dhe kryesoi kampionit për më shumë se 93% të tij, para se ta lëshonte vendin e parë, pas hapave fals ndaj Liverpool, Ëest Ham, Southampton dhe Man.City. Kjo do të thotë që Topçinjtë kanë vendosur një rekord të ri në futbollin anglez për kryesimin e kampionatit për një periudhë kaq të gjatë, pra 93%, dhe në fund të mos arrijnë ta fitojnë.
Lexo edhe:
- Cardiff nuk heq dorë nga çështja Emiliano Sala, i kërkon 110 milionë euro dëmshpërblim Nantes
- 8 minuta kundër mbrojtësit shqiptar e bëjnë kampion me Barçën, sulmuesi fiton titullin e parë në karrierë
- Humbja ndaj Brighton, Arteta: Kam vetëm zhgënjim, ua dhuruam pjesën e dytë
- “Ju tregoj bisedën me Skukën dhe Goldin”, Xhixha për “Analizë Kuq e Zi”: Sezonin tjetër titullar me Qarabag
Në këtë mënyrë, Arsenali ka thyer rekordin që mbahej nga vetë ata, pasi në sezonin 2002/03 londinezët kryesuan në Premier League për 71% të kampionatit, para se United ta rrëmbente kreun në javët e fundit.
Vendi i skuadrës në Champions League në sezonin e ardhshëm është konfirmuar tanimë, por dështimi për të fituar Premier League do të lërë padyshim një shije shumë të hidhur, për shkak se kishin gjithçka nën kontroll deri në fundin e muajit prill.
Topçinjtë e Londrës do ta përmbyllin edicionin futbollistik me sfidat ndaj Nottingham Forest dhe Ëolverhampton.
