Pas afrimit të sulmuesit argjentinas Adrian Celis, Bylis ka përforcuar repartin e avancuar me një tjetër futbollist cilësor. Ballshiotët kanë zyrtarizuar afrimin e sulmuesit anësor ganez Frederic Opoku. 21-vjeçari vjen nga liga e dytë e futbollit danez teksa sezonin e fundit ishte pjesë e skuadrës së Koges ndërsa në karrierën e tij është aktivizuar edhe në ligën e dytë të futbollit amerikan USL me ekipin e Penn ndërsa hapat e parë në futboll i ka hedhur në vendlindjen e tij. Opoku i cili luan në të dy krahët e sulmit është prezantuar nga presidenti i Bylisit Besnik Kapllanaj i cili është vënë menjëherë në lëvizje pas deklaratave të trajnerit Dovedan, duke afruar dy lojtarë cilësorë.
