Teuta zyrtarizon përforcimin e radhës për sezonin e ri futbollistik. Klubi durrsak ka nënshkruar kontratë afatgjatë me Silvio Zogajn, 23-vjeçarin lezhjan që vjen nga radhët e Vllaznisë. Sulmuesi do të luajë me “Djemtë e Detit” për tri vitet e ardhshme.
Njoftimi I Teutës
“23-vjeçari Silvio Zogaj nga sot është zyrtarisht futbollist i Teutës. Zogaj ka firmosur fillimisht kontratën që e lidh me klubin për 3 vitet e ardhshme dhe më pas ka zhvilluar seancën e parë nën drejtimin e trajnerit Edi Martini. Zogaj luan si sulmues, por në karrierë ka bërë mjaft mirë edhe në rolin e mesfushorit të djathtë. 23-vjeçari sezonin e fundit ka luajtur për Vllazninë në Superligë. KF Teuta i uron shumë suksese Silvio Zogajt! Mirë se vjen Silvio!