Tjetër largim te Kastrioti. Pas Sebino Plakut i cili u transferua te Teuta, nga krutanët është larguar zyrtarisht edhe portieri Bruno Puja. Talenti 20-vjeçar i cili nuk ka gjetur shumë hapësira te Kastrioti aty ku titullar në portë është veterani Isli Hidi, ka gjetur menjëherë skuadër të re teksa është transferuar te kryesuesit e grupit B të Kategorisë së Parë, pikërisht te Egnatia e Rrogozhinës. Puja ka dalë menjëherë në stërvitje me Egnatian duke u vendosur në dispozicion të trajnerit Gugash Magani.
