M’Gladbach shiti Yann Sommer te Bayern Munchen, ndërkohë që nuk humbi kohë për të gjetur pasardhësin e portierit të kombëtares zvicerane, të cilit i erdhi një shans i artë në moshën 34-vjeçare për të luajtur me rekordmenët e futbollit gjerman.
Me anë të një postimi në faqen zyrtare, M’Gladbach zyrtarizoi afrimin e Jonas Omlin nga Montpellier. Në arkat e klubit francez kanë përfunduar 8 milionë euro, ndërkohë që 29-vjeçari zviceran firmosi deri në vitin 2027.
Omlin debutoi me kombëtaren helvete në tetorin e vitit 2020. Përveç Montpellier në Ligue 1, “gardiani” ka luajtur në vendlindje me Basel, Luzern, Kriens dhe Le Mont.
🇨🇭 𝑴 𝑬 𝑹 𝑪 𝑰 Jonas 👋
🧤 Jonas Omlin rejoint le Borussia Mönchengladbach➡️ https://t.co/1ffAIrC29O pic.twitter.com/9mjcEMtp4s
— MHSC (@MontpellierHSC) January 19, 2023
