Roger Federer vijon të thyejë njëri pas tjetrit rekordet në tenisin e meshkujve, madje edhe pa zbritur në fushë. Duke nisur që nga hëna që lamë pas, kampioni zvicëran është bërë i vetmi tenist i historisë që ka kaluar plot 1020 në listën e 100 më të mirë në klasifikimin e e përgjithshëm.
37-vjeçari ka mundur të thyejë rekordin që mbahej nga André Agassi, që ka mundur të qëndrojë në top-100 për 1019 javë.
Kujtojmë që “Mbreti” Federer e nisi ngjitjen në klasifikimin ATP në vjeshtë të vitit 1997, kur ishte vetëm 16-vjeç. Dy vite më vonë, pra më 20 shtator të 1999-ës, hyri për herë të parë të top-100.
Federer është tenisti me më shumë javë në krye të renditjes së përgjithshme (310 javë), në Top-5 (772 javë, në Top-10 (859 javë), Top-50 (989 javë) e tashmë në Top-100 (1020 javë).
Këto të dhëna sigurisht që do të ndryshojnë shumë shpejt, pasi Roger Federer vazhdon të jetë në aktivitet dhe renditet në vendin e katërt në klasifikim ATP.