Benfica feston titullin e 37-të kampion në Portugali një rekord absolut ky në futbollin luzitan. Shqiponjave të Lisbonës u mjaftonte vetëm një barazim në ndeshjen e fundit ndaj Santa Clarës në Da Luz, por skuadra e trajnerit Lage mori një fitore bindëse me shifrat 4-1, duke festuar në fund një titull të merituar. Benfica e mbylli kampionatin në kuotën 87 pikëve, dy më shumë se Porto që në javën e fundit fitoi 2-1 klasiken ndaj Sportingut. Edhe ndaj Santa Clarës shënoi talenti Joao Felix që arriti kuotën e 15 golave në kampionat ndërsa zvicerai Seferovic i cili realizoi dy herë në këtë fitore u shpall edhe kryegolashënuesi i kampionatit portugez me 23 gola. Për Benficën ky ishte titulli i 5-të në 6 vitet e fundit ndërkohë që me këtë sukses shqiponjat e Lisbonës siguruan edhe kualifikimin në fazën e grupeve të UEFA Champions League.
