Llapi nuk njeh limite në merkato. Tjetër përforicm për skuadrën e Tahir Batatinës që ashtu si në këtë sezon edhe në edicionin e ri do të synojë titullin kampion në Ipko Superligën e Kosovës. Pas Sebino Plakut dhe Bruno Arrabal rradhën për t’u prezantuar te Llapi e kishte Besfort Emini. Mesfushori me tipare mbrojtëse ka nënshkruar një kontratë 3-vjeçare me klubin nga Podujeva dhe është prezantuar si afrimi më i ri i bardhekaltërve.
“Mesfushori me tipare defensive, Besfort Emini, ka nënshkruar kontratë 3-vjeçare me Llapin. Emini, njëkohësisht sot u prezantua si futbollisti më i ri i klubit bardhekaltër. Besfort Emini, 20 vjeç, i lindur më 27.01.1999, futbollist i ri mjaft perspektivës vjen nga FC Vitia. Ai është produkt i këtij klubi, teksa nga sot edhe zyrtarisht është futbollist i Llapit për 3 vitet e ardhshme”, njofton klubi nga Podujeva.