Zlatan Ibrahimovic ka folur së fundmi për lidhjen e tij me Bundesligën si dhe për “Topin e Artë”.
Në një intervistë të dhënë për “Bild”, suedezi theksoi se gjithmonë ka qenë kurioz për kampionatin gjerman dhe për Bayern Munich.
“Gjithmonë kam qenë kurioz për Bundesligën. Ata kanë një skuadër si Bayern Munich, si dhe klubi i bavarezëve është i pabesueshëm. Çdo herë që kam luajtur kundër tyre kam parë kushtet, stadiumin dhe organizimi. Historia e këtij klubi është impresionuese.”-tha Ibra.
Më tej sulmuesi i Milan foli edhe për “Topin e Artë”, për të cilin u shpreh se është një çmim politik.
“Topi i Artë? Është çmim politik. Ata duan ‘Zotërinë perfekt’. Nëse ti flet dhe thua atë që mendon, ti nuk mund ta marrësh atë trofe. E lehtë për t’ja dhënë atë kujtdo që është ‘Zotëria simpatik’. Mua nuk më ndryshon asgjë, s’më bën më të mirë apo më të keq.”-deklaroi suedezi.