Kushdo që luan futboll do të ketë një top. Bazuar në këtë parim, në fillim të këtij edicioni Federata Shqiptare e Futbollit nisi “Topi Yt”, një prej projekteve më ambiciozë dhe më të rëndësishëm të sportit të top-këmbës në vend.
Topa falas për të gjitha skuadrat, duke nisur nga futbolli profesionist, por mbi të gjitha në nivelet e fëmijëve, për të bërë të mundur që të rriten kampionët e së ardhmes.
FSHF njoftoi se procesi i shpërndarjes së topave në të gjithë klubet e futbollit të regjistruara në Shqipëri, që nga Kategoria Superiore dhe deri në skuadrat më të vogla të moshave është zbatuar në masën 95%.
Faza finale e nismës së lançuar në muajin Qershor do të mbyllet me disa klube në zonat rajonale, në momentin që ato do të përfundojnë procesin e regjistrimit pranë federatës dhe pjesëmarrjen në garë.
Nga projekti kanë përfituar plot 750 skuadra. 158 prej tyre janë ekipet e para, skuadrat e të gjitha grupmoshave, futbolli i femrave dhe ai i sallave. Kjo ka bërë që 5180 topa të shpërndahen pa pagesë, sipas kritereve të vendosura nga FSHF.
Përfitueset më të mëdha të projektit kanë qenë zyrat rajonale, që nis me ekipet e moshave për fëmijët 7-vjeçarë dhe deri në skuadrat e 19-vjeçarëve. Për këtë kategori u vunë në dispozicion më tepër se 10 mijë topa.
Kuotat e shpërndara në klube
10 klubet e Superiores 40 topa
20 klubet e Kategorisë së Parë 40 topa
26 klubet e Kategorisë së Dytë 40 topa
20 klubet e U-19 Superiore 30 topa
20 klubet e U-19 Kategoria e Parë 30 topa
20 klubet e U-17 Superiore 30 topa
20 klubet e U-17 Kategoria e Parë 30 topa
10 Skuadrat e futbollit të femrave 30 topa
6 skuadrat e U-15 rajonale 20 topa
6 skuadrat e U-17 rajonale 20 topa
ZYRAT RAJONALE – SHPËRNDARJA
40 skuadrat e U-7 10 topa
59 skuadrat e U-9 10 topa
125 skuadrat e U-11 10 topa
164 skuadrat e U-13 20 topa
136 skuadrat e U-15 20 topa
68 skuadrat e U-17 20 topa
34 skuadrat e U-19 20 topa