Torino ngec sërish, këtë herë në shtëpi ndaj Sampdorias, pasi nuk shkoi më shumë se një barazim 2-2 dhe tani pankina e trajnerit Marco Giampaolo është më e lëkundur se kurrë, pasi vështirë se mund të marrë një tjetër shans.
Skuadra “granata” e nisi mjaft mirë ndeshjen dhe shënoi me Belottin që në minutën e 7’, por goli u anulua për pozicion jashtë loje. Megjithatë pak minuta më vonë ishte sërish kapiteni që dërgoi topin në rrjetë dhe u dha avantazhin Torinos, pas një aksioni mjaft të bukur të Singo.
Pjesa e dytë kishte një tjetër tablo, pasi nisi shumë mirë për Sampdorian, që riktheu baraspeshën me anë të Candrevës, ndërsa pak minuta më vonë ky i fundit asistoi për Quqagliarelën, i cili çoi shifrat në 1-2.
Mesfushori Meite riktheu baraspeshën në minutën e 77’, ndërsa deri në fund sfida ishte e luftuar, por asnjë nga skuadrat nuk arriti të shënojë golin me vlerë 3-pikëshe dhe sfida u mbyll në barazim.
Ky rezultat i shkon për shtat Sampdorias që vinte pas dy humbjeve radhazi, por jo Torinos, që në 9 javë kampionat numëron vetëm 6 pikë, me një fitore, tre barazime dhe pesë humbje, ndërsa në fundjavë e pret një tjetër sfidë e vështirë, derbi i qytetit me Juventusin.
