Pas disa huazimesh radhazi, më në fund austriaku Valentin Lazaro duket se ka gjetur veten te Torino, ku është ambientuar më së miri me skemën 3-4-2-1 të trajnerit Ivan Juric dhe po luan rregullisht.
Austriaku në pronësi të Interit ka treguar se mund të luajë mjaft mirë në të dy krahët, teksa me paraqitjen e tij ka bindur të gjithë te Torino, ndaj trajneri Urbano Cairo ka nisur negociatat me zikaltrit për blerjen e plotë të kartonit.
Verën e kaluar palët arritën një marrëveshje huazimi me të drejtë blerjeje për 6 milionë euro, ndërsa te Torino shpresojnë të ulin qoftë edhe një milionë euro, për ta blerë njëherë e mirë kartonin e austriakut.