Connect with us

Hi, what are you looking for?

Champions League

Tottenhami ‘dush të ftohtë’ Realit, Napoli thyhet sërish nga City

Fitore fantastike e Tottenham Hotspur përballë Realit të Madridit. Në mitikun “Wembley”, kampionët në fuqi të Europës u mposhtën me rezultatin e pastër 3-1 nga skuadra e Pochettinos që iu fal dygolëshit të Dele Allit dhe finalizimit të Eriksen. Me këtë fitore Tottenham zhyti në krizë Realin e Madridit ndërkohë që hodhi edhe një hap të sigurtë drejt vendit të parë në grupin H të Uefa Champions League pasi u ngjit në kuotën e 10 pikëve dhe do t’i mjaftonte një fitore ndaj Apoel Nicosias në shtëpi për ta mbyllur në krye ndërsa siguroi zyrtarisht kualifikimin në fazën tjetër. Golin e nderit për Los Blancos e realizoi Cristiano Ronaldo. Zhgënjeu sërish Borussia e Dortmundit që nuk shkoi më shumë se një barazim tjetër 1-1 ndaj qipriotëve të Apoel Nicosias, këtë herë në “Signal Iduna Park” ku golit të portugezit Guerriero iu përgjigj Kote.

Në grupin F, Napoli i Sarrit pësoi një tjetër humbje nga Manchester City këtë herë në “San Paolo” me shifrat 2-4 dhe është pothuajse i eliminuar nga kompeticioni, edhe pse shpresa vdes e fundit për të Kaltërit. Insigne dhe Jorginho shënuan për Napolin ndërsa Otamendi, Stones, Aguero dhe Sterling ishin autorët e golave për formacionin e Guardiolës që me këtë sukses preu edhe matematikisht biletën për në ruandin e 1/16-ave. Në ndeshjen tjetër të grupit Shakthar Donetsk hodhi një hap të madh drejt kualifikimit me fitoren 3-1 ndaj Feyenoord dhe tashmë i mjafton një pikë në dy ndeshje për të avancuar më tej. Në grupin E fitore e lehtë për Liverpoolin që vazhdon të kryesojë falë suksesit 3-0 ndaj Maribor ndërkohë që Sevilla u hakmorr ndaj Spartakut të Moskës pasi i mposhti rusët 2-1 në Spanjë. Në grupin G kishte festë për Porton që u ngjit në vendin e 2-të falë suksesit 3-1 ndaj Leipzig.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...