Tottenham ka fituar në transfertë me poker golash ndaj skuadrës së Leeds, në takimin e vlefshëm për raundin e 27-të të Premier League.
Seria e golave nisi në minutën e 10’ me Doherty, që i dha avantazhin ekipit të trajnerit Antonio Conte, që pas fitores ndaj Manchester Cityt, duket se janë në super formë.
Goli i dytë i kësaj përballjeje erdhi në minutën e 15’, kur Kulusevski shënoi dhe i dhuroi dopietën ekipit të “Spurs”.
Ndërsa Harry Kane realizoi golin e tretë për skuadrën e tij, duke e mbyllur pjesën e parë të kësaj ndeshje me rezultatin 0-3 dhe duke mos i dhënë mundësi Leeds që të reagonte.
Ndërsa pjesa e dytë erdhi më e qetë, me Tottenham që shënoi vetëm një gol në minutën e 85’ me Son Heung-Min.
Pas këtij takimi Tottenham renditen në vendin e shtatë të me 42 pikë, teksa Leeds renditet i 16-ti me 23 pikë të grumbulluara.
