Tottenham ka dalë nga gara për një vend në zonën Champions, pasi sot u mposht 3-1 nga Sheffield United në transfertë, duke komplikuar edhe arritjen e një vendi në kompeticionin tjetër europian, Europa League.
Përballë një rivali direkt, “Spurs” vuajtën shumë dhe goli i vetëm u shënua nga kapiteni Harry Kane në minutat e fundit, teksa më parë portieri Lloris kishte nxjerrë tre herë topin nga rrjeta e portës së tij.
Berge, Mousset dhe McBournie shënuan për skuadrën e Sheffield United, që me 3 pikët e marra pasditen e sotme u ngjit në vendin e 7 me 47 pikë, ndërsa Tottenham zbriti në vendin e 9 me 45 pikë.