Mbrojtësi anësor i Tottenhamit, Denny Rose është një nga emrat më të kërkuar nga Manchester Unitedi i Mourinhos. Ky i fundit shikohet si një xholi që mund të luajë në të 2 krahët e mbrojtjes, veçanërisht në të djathtin, ku skuadra e Mourinhos nuk e ka ende një lojtar stabël.
Tottenhami nuk dëshiron të lërë të lirë mbrojtësin anglez, por e ka të qartë që është e vështirë ta ndalë, ndaj ka filluar të mendojë që tani për zëvendësuesin e tij.
Me pëlqimin e trajnerit Pochetino, drejtuesit e klubit kanë hyrë në negociata me Fulhamin, për t’i ‘rrëmbyer’, adoleshentin Sessegnon. Ky i fundit është vetëm 17 vjeç dhe po mahnit me paraqitjet e tij në fushë dhe me aftësinë për të luajtur në të 2 krahët e mbrojtjes. Duket se te Sessegnon, trajneri Pochettino ka evidentuar futbollistin ideal për të zëvendësuar mbrojtësin aktual Danny Rose.