Francesco Totti, ish-kapiteni legjendar i Romës, theksoi se ai e di shumë mirë se çfarë ka përjetuar Cristiano Ronaldo këtë sezon.
“Kur shikoj muajt e fundit që ka kaluar Ronaldo, duket se po jetoj përvojën time. Ronaldo duhet respektuar. E di se si është të zhvendosesh mënjanë kur je në krye”, theksoi ish-mesfushori i përfaqësueses italiane në Twitch.
Totti luajti të gjithë karrierën e tij në radhët e Romës dhe nuk donte të largohej, por ai u shty nga trajneri Luciano Spalletti, me klubin roman që nuk i ofroi rinovim.