Legjenda e futbollit italian, Francesco Totti, mori pjesë në një panel diskutimi së bashku me Michaele Ciccarese (Drejtor Marketingu i Serisë A) dhe Alfonso De Stefano (Menaxheri i Përgjithshëm i Serisë A). Ish-kapiteni verdhekuq foli për MARCA-s mbi mungesën e Italisë në “Katar 2022”.
“Do të jetë një Botëror ndryshe, një kampionat i vështirë dhe i çuditshëm në krahasim me të tjerët. Italia është një skuadër e fortë, shkon thuajse gjithmonë në çerekfinale, por nuk do të jetë aty dhe kjo është diçka shumë e vështirë për ne, aq më tepër që ndodhi për herë të dytë radhazi”.
Skuadrat që do të rivalizojnë për Kupën e Botës, në Katar, sipas Tottit, janë të njëjta, si gjithmonë:
“Skuadrat favorite janë gjithmonë të njëjtat: Brazili, Argjentina, Franca, Gjermania… Por të mos harrojmë se është një Botëror atipik dhe duhet parë se si vijnë futbollistët dhe ekipet kombëtare, sepse janë pothuajse pa përgatitje”.
Sa i përket Spanjës, Totti tha se “është një tjetër skuadrën që është gjithmonë aty, në raundet e fundit. Ka një ekip konkurrues dhe nuk do të jetë një rival i lehtë për askënd”.
Totti vlerësoi figurën e trajnerit të “La Rojas”, Luis Enrique, me të cilin ka bashkëpunuar te Roma:
“Është numri 1, si person dhe si trajner. Pata rastin ta takoj dhe mund të them vetëm fjalë të shkëlqyera, ndaj shpresoj që ai të ketë një Botëror të madh”.