“Ndaj Kosovës do të jetë një stërvitje e mirë” u shpreh para ndeshjes Age Hareide, trajneri i kombëtares së Danimarkës, që në përfundim të takimit, foli edhe për mikrofonin e Supersport.
A ishte një stërvitej e mirë apo e keqe?
U përballëm me një skuadër që di dhe dëshiron të luajë futboll, ndaj në këtë pikë, ishte një ndeshje shumë e mirë për të praktikuar lojën tonë dhe përmirësuar disa aspekte. E morëm pak lehtë, pasi kundërshtari ishte i renditur më poshtë, por kuptuam që nuk ka shumë diferenca. Kemi mësuar nga kjo ndeshje dhe në fund ishte një 90-minutësh ku ne luftuam shumë për të marrë një barazim.
Mos ndoshta ishit më shumë të relaksuar?
Ndoshta,. Nuk duhet të nënvlerësonim Kosovën dhe asnjë skuadër tjetër. Ka shumë lojtarë të mirë te Kosova dhe më kanë impresionuar në aspektin ofesniv.