Të enjten e kësaj jave, Juventusin e pret përballja në raundin e 1/8-tave të Europa League ndaj gjermanëve të Freiburg. Bardhezinjtë shihen favoritë për të kaluar në çerekfinale, megjithatë te Freiburg janë të përgatitur për të luftuar deri në fund.
Trajneri i gjermanëve, Christian Streich ka nisur me sulmet e para ndaj “Zonjës së Vjetër” teksa shprehet se bardhezinjtë nuk duhet të mendojnë për Superligën, por të menaxhojnë më mirë paratë që kanë aktualisht, duke qenë se u dënuan pikërisht në lidhje me falsifikimin e bilanceve.
Lexo edhe:
- Nis “gjuetia” për titullin e tretë, Verstappen dominon në Bahrein. Zhgënjen Leclerc, befason Alonso
- VIDEO/ “Tërmet 7 ballësh” në Anfield, Liverpool turpëron keq Manchester United
- Në stol për 90 minuta, Inzaghi: Asllani duhet të punojë dhe të stërvitet!
- Reali “ngeci” në transfertë, Ancelotti: Kampionatin nuk e kemi humbur, luftojmë deri në fund
“Unë jam rritur me ngjyrat bardhezi të Juventusit, si fëmijë gjithçka ishte e jashtëzakonshme. Aty luanin lojtarë të mëdhenj, por duke parë gjendjen aktuale dhe mënyrën si sillen skuadrat e mëdha në Itali dhe jo vetëm, kuptoj se futbolli nuk është më romantik.
Të mëdhenjtë kërkojnë të krijojnë Superligën për t’u pasuruar edhe më shumë, por mendoj se më e drejtë do të ishte që fillimisht të mësojnë të admistrojnë ato të ardhura që kanë. Kam ndjekur shumë ndeshje të Juventusit, është një klub i madh. Por, kam besimin se kemi shansin tonë”, u shpreh Streich.