Connect with us

Hi, what are you looking for?

Kombëtare

Trajneri i Izraelit: Djemtë dhuruan spektakël, goli i Uzunit për t’u duartrokitur!

Izraeli mposhti Shqipërinë në Tel-Aviv me rezultatin 2-1 duke hipotetikuar vendin e parë në Grupin 2 të Ligës B. një arritje e madhe për izraelitët të cilët pas ndeshjes me kuqezinjtë festuan ndërsa trajneri i tyre, Alon Hazan nuk harroi të vlerësonte kuqezinjtë ndërsa theksoi se nëse do të ishte duke e ndjekur nga shtëpia golin e Myrto Uzunit, atëherë do të duartrokiste.

“Jam i lumtur për fitoren, më shumë edhe për faktin pasi zakonisht jemi ne ata që humbasim në minutat e fundit. Por, fakti që patëm sukses do të thotë që po punojmë në mënyrën e duhur. Jam i lumtur për skuadrën dhe jo për veten, pësuam një gol dramatik në fund, por u rikthyem shpejt në lojë. Dua të përmend se skuadra shqiptare ishte dominuese dhe bëri shumë presion në disa momente të lojës, por e menaxhuam mirë dhe zhvilluam lojën tonë.

Jam njeriu më i lumtur në botë sepse ishim më mirë në pjesën më të madhe të ndeshjes dhe djemtë dhuruan spektakël. Pësuam një gol vërtet të madh, shumë i bukur. Pas atij momenti, Shqipëria ishte entuziaste dhe kërkuan fitoren, por në fund ia dolëm ne. Ata shënuan një gol që nëse unë do të isha duke e parë ndeshjen nga shtëpia, atëherë me siguri do ta kisha duartrokitur. Jam i lumtur sepse lojtarët në fushë, u shfaqën pa ndjenjën e inferioritetit”, u shpreh Hazan.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...