Nice ka vendosur të rikthejë Lucien Favre në stol, me teknikun zviceran që rikthehet të punojë sërish në “Allianz Riviera” (drejtoi skuadrën franceze në vitet 2016-2018).
Kjo lëvizje erdhi nga largimi i Christopher Galtier drejt PSG-së, me kampionët e Francës që paguan 10 milionë euro te Nice për të siguruar shërbimet e trajnerit 55-vjeçar, i cili do të zëvendësojë Pochettinon në stol.
Pjesë e stafit teknik të Favre do të jetë edhe Arjan Peço. Ish-mesfushori shqiptar veshi 13 herë fanellën e kombëtares kuqezi gjatë karrierës si futbollist, teksa në kampionatin tonë ka luajtur me Dinamon e Partizanin.
47-vjeçari nga Leskoviku ka punuar si trajner i ekipeve të moshave të Baselit (U17, U18, U19 dhe U21). Peço do të jetë një nga dy ndihmësit e Favre bashkë me Christophe Moulin.
Një hap i rëndësishëm për teknikun shqiptar, i cili do të provojë një aventurë të bukur te 4 herë kampionët e Francës si pjesë e stafit të ngushtë dhe ndihmës trajner i të mirënjohurit Favre.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
