Arne Slot dhe Feyenoordi janë gati të sfidojnë Romën në çerekfinalet e Europa League, një përballje që rikthen finalen e Conference League, të luajtur në “Air Albania” majin e kaluar.
Në atë rast, buzëqeshën verdhekuqtë e José Mourinhos, falë golit të Zaniolos. Ishte triumfi i tyre i parë historik në kompeticionin e tretë evropian. Për ekipin holandez, është ende një plagë e hapur, që nxit hakmarrjen.
Lexo edhe:
- Ofertë e çmendur për të bashkuar Cristianon me Mourinhon!
- “S’mund të kemi kaq shumë zezakë dhe myslimanë…”, trajneri i PSG-së akuzohet për racizëm
- “Vlahovic si Ronaldo”, Allegri para çerekfinales në Europa League: I dua nervat e Paredes!
- Refuzoi detyrën e rivalëve të Shqipërisë, Gerrard: Më pëlqen roli si taksist!
Kujtimi i Tiranës, në fakt i ndez gjakun trajnerit të Feyenoordit: “Mund të kem ndjenja hakmarrjeje”.
Të parët në renditjen e Eredivisie, +8 nga Ajax dhe Psv, me gjashtë ndeshje të mbetura, të besuarit e e Slot tashmë janë fokusuar 100% te përballja me Romën.
“Le të themi se e mbaj mend shumë mirë atë mbrëmje të pakëndshme në Tiranë dhe e njëjta gjë vlen edhe për djemtë që ishin atje vitin e kaluar, por do të ishte e çuditshme nëse do të më duhej motivim shtesë për një çerekfinale të Europa League-s.”
Një mesazh i qartë për Romën e Mourinhos.
“Tani kemi një ekip pothuajse të ri dhe janë dy ndeshje, kështu që situata është shumë e ndryshme në krahasim me disa muaj më parë”.