Ish ndihmësi i De Biasit, në stolin e Shqipërisë, sot trajner i Sionit, Paolo Tramezzani ka komentuar përballjen midis kuqezinjve dhe Italisë, në ‘Loro Boriçi’. Sipas tij, italianët nuk janë në lartësinë e të shkuarës së tyre të lavdishme dhe do të vuajnë shumë sonte në Shkodër.
“Shqipëria po ecën shumë mirë dhe po vazhdon rrugën e nisur nga De Biasi. Jam i bindur që ata do të japing 100% sonte dhe do të vënë në vështirësi skuadrën e Venturës, me agresivitetin që i karakterizon”, deklaroi Tramezzani.
Trajneri i Sion, i cili stërvit edhe dy futbollistët e kuqezinjve, Lenjanin dhe Kukelin, komentoi edhe gjendjen aktuale të Italisë, që ka përfunduar në qendër të kritikave mediatike ditët e fundit.
“Është e vërtetë që Italia nuk është në lartësinë e të shkuarës së saj të lavdishme, por nuk mund të them se ka probleme të mëdha. Ndaj Maqedonisë peshuan shumë mungesat, por kur ka qenë e nevojshme, skuadra e Venturës ia ka dalë të marrë maksimumin. Të shohim a do t’ia dalë edhe sot në Shqipëri, pasi do të përballet me një skuadër agresive, që mbrohet shumë mirë”, u shpreh ai.