Kërcënohen me vdekje tre “yjet” të Bayernit të Mynihut. Nëpërmjet një letre anonime, që ka rënë në duart e forcave të rendit të St Paulit, kërkohet që lojtarët e kampionëve të Gjermanisë, Robert Lewandowski, Manuel Neuer dhe Serge Gnabry të qëlloheshin si “derra të pistë bavarezë”.
Policia e Hamburgut po e analizon me imtësi letrën, me shpresën se mund të gjejë gjurmë gishtërinjsh apo të ADN-së. Autoritet gjermane dhe klubi i Bayernit janë vënë në gatishmëri për këtë rast.
Gazeta gjermane “Bild” raportoi se letra mbërriti në St Pauli, me bazë në Hamburg, më 12 janar dhe titullohej: “Ruaj ligën, shpëto futbollin”! Zjarr dhe vdekje derrave të ndyrë bavareze.”
Autori i letrës përveçse bën thirrje që të qëllohen Lewandowski, Neuer dhe Gnabry, kërcënon edhe gjyqtarët e Bundesligës.
Zyra e Policisë Kriminale të Shtetit Gjerman ka kontaktuar kolegët në mbarë vendin për të parë nëse është dërguar ndonjë letër tjetër dhe gjithashtu ka informuar Federatën e Futbollit.
Një zëdhënës i policisë tha për Bild: “Ne po hetojmë me dyshimin se kemi të bëjmë prishje të qetësinë publike, duke kërcënuar se do të kryehen krime. Ne do të hetojmë për të kuptuar nga vjen ky kërcënim.”
Bayern është në rrugën e duhur për të fituar titullin e 10-të radhazi të Bundesligës, pasi ka gjashtë pikë më shumë se Borussia e Dortmundit, pavarësisht humbjes shokuese ndaj Bochumit fundjavën e kaluar.
