Connect with us

Hi, what are you looking for?

Serie A

Tregolësh i Dybalas, Juventusi mposht mes kontestimeve Beneventon

Juventusi zhvilloi një ndeshje me luhatje në fushën e Beneventos, megjithatë arriti të fitonte 2-4 mes polamikash për një 11-metërsh të fituar nga Higuain 15 minuta para përfundimti të kohës së rregullt, kur rezultati ishte mbërthyer në shifrat 2-2. Skuadra vendase, ku u aktkvizua gjatë gjithë ndeshjes mbrojtësi shqiptar Berat Gjimshiti, arriti dy herë të barazonte shifrat, por në fund u dorëzua me një rezultat që në fakt është disi i gënjeshtërt.

Paulo Dybala zhbllokoi në minutën e 16-të, por Diabate ktheu entuziazmin te vendasit në minutën e 24-t. Në fund të pjesës së parë ishte sërish sulmuesi argjentinas që realizoi të dytin personal me 11-metërsh.

Benevento nuk u dorëzua dhe gjeti golin e dytë po me Diabate, pas një këndoreje. Episodi më i diskutueshëm ishte ai i minutës së 73-të, kur Higuain u pengua në zonë, me gjyqtarin që drejtoi dorën nga pika e penalltisë, edhe pse vendasit protestuan gjatë për këtë vendim. Dybala u tregua i saktë edhe në penalltinë e dytë, duke sigluar një tregolësh. Në minutën e 82-të, pas tentativave të dëshpëruara të Beneventos për të shmangur humbjen, Douglas Costa realizoi një gol të mrekullueshëm, duke i dhënë një trajektore të pakapshme topit. Pas kësaj fitoreje Juventusi shkon në kuotën e 81 pikëve.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...