Oliver Giroud tremb tifozët e Francës vetëm pak ditë para nisjes së Botërorit. Sulmuesi i “Gjelave” u dëmtua rëndë në miqësoren me Shetet e Bashkuara të Amerikës, që përfundoi në barazim 1-1, pas një përplasjeje të dhunshme kokë më kokë me futbollistin kundërshtar, Matt Miazga. Të dy lojtarët përfunduan të shtrirë në fushë, me stafet mjekësore që nxituan për t’u ardhur në ndihmë. Gjaku që mbuloi sidomos Giroud shkaktoi panik te pjesëtarët e të dyja skuadrave. Si Giroud dhe Miazga disa minuta më pas u zëvendësuan, por më shumë shqetësonte gjendja e sulmuesit të Chelsea-t.
Trajneri i Francës, Didier Dechamps, i pyetur mëngjesin e kësaj të diele për shëndetin e Giroud dha këtë lajm të mirë për të gjithë tifozët e Francës: “Nuk ka ka arsye pse të mos jetë në formë për ndeshjen e parë me Australinë të shtunën e ardhshme. Ka një çarje 6 centimetra të gjatë, por është qepur. Gjithçka do të jetë “ok”.