Në futboll sot ekziston rregulli që nëse arrin të shënosh tre a më shumë gola në një ndeshje, ke të drejtë të marrësh topin në shtëpi. Por sulmuesi i Stoke City-t duhet të marrë shumë më tepër se një top pas “tripletës” së tij të fundi.
Sipas tabloidit anglez “The Sun”, 25-vjeçari brazilian, i cili nuk mbahet mend për ndonjë efikasitet të jashtëzakonshëm para portës, është shfaqur i jashtëzakonshëm me “gola” në jetën private. Brenda 6 javësh është bërë tre herë baba nga lidhjet intime me tre femra të ndryshme.
Ish-partnerja e tij, Stephania Christoforou, që u nda nga Berahino në fillim të vitit, solli në jetë të voglin Costa më 30 maj, ndërsa partnerja aktuale lindi vajzë më 17 korrik. Por cili është problemi? Një femër e tretë ka nisur kontaktet me avokatët e futbollistit që të njohë atësinë e vajzës së saj, që lindi më 15 korrik.
Vajza në fjalë është një mikeshë e fëmijërisë së 25-vjeçarit dhe këmbëngul se emri i Berahinos duhet të shënohet në certifikatën e lindjes së vajzës si i ati i saj.
Ndoshta Berahinos i mungojnë golat në fushën e e blertë, por me “tregolëshin” që ka realizuar brenda 6 javëve në jetën private, mbetet rekordmen absolut.
1- Djali Costa
2 – Vajza Anna Maria
