Stefano Pioli nuk po merr lajme pozitive nga lojtarët e grumbulluar me Kombëtaret e tyre. Theo Hernandez u dëmtua gjatë një seance stërvitore me Francën, teksa e ka pësuar edhe Mike Maignan.
“Gardiani” luajti si titullar në duelin Francë-Austri (2-0), por një problem në pulpën e majtë e detyroi të zëvendësohej në pushimin mes pjesëve. Kontrollet e detajuara mjekësorë do të përcaktojnë edhe shkallën e dëmtimit të 27-vjeçarit.
Probleme ka shfaqur edhe Sandro Tonali, një tjetër pikë e fortë e Milanit. Mesfushori ka hequr dorë nga dy duelet e Italisë në Nations League (Angli, Hungari), duke ngritur flamurin e bardhë për shkak të shqetësimeve muskulore.
Një situatë problematike për kampionët e Italisë, me trajnerin Pioli që shpreson që këta lojtarë t’i ketë sa më shpejt e mundur në dispozicion.
Ndërkohë, Galatasaray po kërkon shërbimet e Fode Ballo-Toure. Klubi turk pritet të paraqesë një ofertë zyrtare për mbrojtësin e majtë senegalez.
Milani rikthehet në fushë në 1 tetor ndaj Empolit, sfidë ku pritet të mungojë Theo Hernandez. Përveç Ballo-Toure Pioli po mendon edhe spostimin e kapitenit Calabria në linjën e majtë.