Boksieri shkodran Nelson Hysa pjesë e BS Boxing arriti fitoren e radhës në boksin profesionist. Në përballjen e zhvilluar në pallatin e sportit të Shkodrës ku pati edhe një numër të konsiderueshëm tifozësh, Hysa triumfoi në raundin e tretë pas një sërë goditjesh ndaj kundërshtarit Willbeforce Shihepo.
Boksieri shkodran nuk i dha asnjë shpresë kundërshtarit, i cili ka një eksperiencë të madhe në boksin profesionist. Deri më tani ai numëron 42 ndeshje, 25 fitore prej të cilave 18 me knockout.
Për Nelson Hysën ishte fitorja e nëntë në po kaq ndeshje të luajtura, teksa boksieri shkodran shtatë triumfe i ka arritur me knockout.
Në pallatin e sportit u ndesh edhe boksieri tjetër shkodran Arjon Kajoshi i cili triumfoi me lehtesi që ne raundin e parë me Nokaut kundër litueanezit Andrejs Volinkus. Kështu Kajoshi siguroi fitoren e shtatë në po aq ndeshje, prej te cilave pesë me knock-out.
