Trajneri i Flamurtarit, Marcelo Troisi, deklaroi pas ndeshjes se humbur ndaj Laçit se skuadra e tij kishte bërë gabime foshnjërake. Braziliani e ka të qartë se kuqezinjtë janë drejt Kategorisë së Parë.
“Realisht e nisëm ndeshjen shumë keq. Bëmë lëvizje foshnjarake prapa, në mbrojtje. Gjatë javës punoj shumë për mbrojtjen, por nuk kam shumë lojtarë. Ka lojtarë që mungojnë për arsye familjare ose fizike. E di që ishte shumë e vështirë, bëmë një ndeshje shumë të keqe në fillim. Pas 2-0, filloi pjesa e dytë dhe nuk ditëm ta menaxhonim mirë superioritetin numerik, duke pësuar edhe të tretin.”
Mungesa e tifozëve: Është disi e ndërlikur, pasi ndikon edhe fakti që ekipi është në vendin e fundit dhe tifozët nuk afrohen.
Situata e klubit: Ne do të bëjmë të pamundurën të marrim maksimumin e pikëve, që të kalojmë Luftëtarin. Për vitin e ardhshëm nuk mund të flas për një objektiv. E di që është e vështirë, por kemi disa shanse dhe do të përpiqemi. Unë do të përpiqem të marr sa më shumë pikë.
