Zbulohen detaje të tjera nga hetimet rreth skandalit të trukimeve në Spanjë, ku protagonistë të fiksimit të rezultateve kanë qenë emra të njohur si Raul Bravo apo Carlos Aranda.
Sipas medieve spanjolle, të përfshirë në këtë skandal rezultojnë edhe sulmuesi i Lazios, Ciro Immobile dhe klubi i Frosinones.
Emri i Immobiles mësohet të jetë përmendur nga Mattia Mariotti, që i është dedikuar basteve ilegale. Gjatë bisedës Mariotti i shpjegon Arandas që njeh një person, që mund të telefonojë mikun e tij me flokë të gjatë, i cili ka një agjenci ilegale bastesh ku si klient kishte edhe Immobilen.
“Edhe Immobile i Lazios luan me të, është klient i tij, sulmues,” i thotë Mariotti Arandas. Personi në fjalë, të cilit i referoit Mariotti, mësohet se ka patur kontakte edhe me disa futbollistë të Frosinones.
