Vazhdon përralla e Stefanos Tsitsipas në Australian Open. Pasi eliminoi krejt papritur një legjendë si Roger Federer, talenti grek i tenisit mposhti në fazën çerekfinale të turneut edhe Roberto Bautista-Agut me rezultatin 3-1 (7-5, 4-6, 6-4, 7-6). 20-vjeçari kualifikohet për herë të parë në karrierë në gjysmëfinale të një grand slami. Madje ai bëhet tenisti më i ri që arrin në këtë fazë që nga viti 2003 (Andy Roddick).
Në tenis një rregull i pashkruar thotë së prova më e vështirë për autorët e surprizave të mëdha është në ndeshjen pasardhëse. Tsitsipas e kaloi me shumë sukses këtë provë, duke treguar se eliminimi i Federerit nuk ishte thjesht rastësi.
Tenisti grek tashmë pret të njohë pas disa orësh kundërshtarin e gjysmëfinales, që do të dalë në çifti Tiafoe-Nadal.
