Connect with us

Hi, what are you looking for?

Lajme

Tulipanët “lulëzojnë” në Hamburg, përmbysje spektakolare ndaj Gjermanisë

Më 24 Mars të këtij viti, Gjermania triumfoi me rezultatin 2-3 përballë Holandës në stadiumin “Johan Cruiff Arena” të Ajaxit, ndërsa mbrëmjen e sotme “tulipanët” u përgjigjën me të njëjtën monedhë, duke fituar 2-4 në “Volksparkstadiun” të Hamburgut.

Ndeshja e sotme ishte për “jetë a vdekje” për holandezët, të cilët kishin marrë vetëm 3 pikë dhe rrezikonin të kompromentonin kualifikimin në rast humbjeje, por të besuarit e Ronald Koeman bënë gjithçka mirë, duke u larguar me 3 pikë nga Gjermania.

Ishin pikërisht “pancerat” e Joakim Low që kaluan të parët në avantazh me një gol të Gnabry në minutën e 9’, ndërsa ky rezultat mbeti në fuqi deri në fund të pjesës së parë.

45-minutëshi i dytë filloi me një tjetër ritëm dhe me një Holandë të bindur për të ndryshuar fatin e takimit, ndërsa në minutën e 59’ ishte mesfushori i Barcelonës De Jong, që shënoi golin e barazimit.

Vetëm 7 minuta më vonë, në një aksion të bukur të holandezëve, Depay lëvizi bukur pa top dhe befasoi mbrojtësin gjerman Jonathan Tah, i cili devijoi topin në rrjetën e Neuer, autogol që u dha avantazhin “tulipanëve”.

Reagimi i Gjermanisë ishte i vakët, pro gjithsesi në minutën e 73-të ishte mbrojtësi De Ligt që gaboi në zonë dhe preku topin me dorë, ndërsa arbitri nuk ngurroi të vërshëllejë për një 11-metërsh në favor të vendasve.

Mes polemikave dhe protestave për një pozicion jashtë loje në nisje të aksionit, penalltinë e mori përsipër Toni Kroos, që gjuajti saktë dhe riktheu baraspeshën në “Volksparkstadion” të Hamburgut.

Megjithatë Holanda kishte ardhur për 3 pikë në këtë transfertë dhe nuk u fsheh për asnjë moment. Kur kishin mbetur 10 minuta nga fundi, Malen mposhti për herë të tretë Neuerin, ndërsa në minutën e parë shtesë ishte Wëijnaldum që vulosi triumfin e Holandës, duke përshëndetur rrjetën për herë të katërt.

Me këtë fitore Holanda ngjitet në kuotën e 6 pikëve pas 3 ndeshjeve, ndërsa Gjermania numëron 9 pikë në 4 ndeshje. Grupi kryesohet nga Irlanda e Veriut me 12 pikë të plota në 4 takimet e para, por vlen të theksohet se në asnjë prej këtyre ndeshjeve nuk janë përballur me Holandën apo Gjermaninë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...